Friday, July 30, 2010

බමුණා වුණත්...

බමුණා වුණත් දුදනෙකු නම් බිම හොවනූ
සැඩොලා වුණත් සුදනෙකු නම් පු‍ටුව දෙනූ

හෙළයා වුණත් ජඩයෙකු නම් පහර දෙනූ
දෙමළා වුණත් විරුවෙකු නම් ගරු කරනූ


බුදු හිමි ජේසු හිමි නබි හිමි වැඳපුදනූ
දෑ ගොත් කුළ නොදු‍ටු උන් බණ පිළිපදිනූ

වැදි බණ මැදින් මුනි බණ ‍තෝරා අසනූ
වැදි බණ දෙසන සඟ ගණ වුව පි‍ටුදකිනූ


සිහසුන ඉන්ට රට දැය පාවා නොදෙනූ
පාවා දෙන එවුන් මූණට කෙළ ගසනූ

කසයෙන් තලා හිස පළඳා ක‍ටු ඔ‍ටුනූ

ජනයා අබිමුවේ උන් නිරුවත් කරනූ


රජෙකුගෙ වුවත් වරදට කෑ මොර ගසනූ
මොරදෙන මුවෙහි ලන මී පැණි ඉවත ලනූ

නිවැරදි කරනු බැරි රජු නෙරපා හරිනූ

වරදට කිපෙනු සටනට වැද ජය ලබනූ



2 comments:

  1. Thanks.
    How about mentioning the artist, musician and writer of the song

    ReplyDelete
  2. බොහෝම ස්තූතියි..!
    මම මූණු පොතට ලින්ක් එක දැම්මා

    ReplyDelete